Kolasib CIC Operator, Hruaia(mamate-a) a boral.

Ni.19th March 2009 (9:00 PM) khan Kolasib CIC Operator,Pu Lalhruaitluanga (Mamatea) chu a boral a, amah hi DC Office,Kolasib ah ILP bik changtu a ni a, kan ui in; a kalsan tak a chhungte kan tuarpui tak zet a ni.

Pu Hruaia vuina ah hian Mizoram CIC Operators' Union hruitute leh member thenkhat ten Aizawl a tangin lehlang in Vuina hunserh an zuk hmanpui thei a, tin, Pawl hmingin Pangpar dah a ni bawk. Hun remchang hmasaber ah member pum huap a Ralna neih tum a ni bawk.

Dt.6.1.2009 khan IT Minister hmuh a ni.

Dt.6.1.2009 khan Pu Zodintluanga, Minister, IT chu mizoram CIC Operators' union ten a Office ah an hmu a, an service chung chang te sawipui a ni in, an harsatna te sutkian pui turin an ngen. Minister hian tha takin a lo dawng sawng a, CIC chu thingtlang lam mi ten an chhawr tangkai a nih a vang leh, NREGS ah pawh hman tangkai a nih avangin a ngaihpawimawh thu hruaitute hi a lo hrilh a, CIC Operator te pawh in beiseina sang tak a hnen ah hian an nei, tih thu kan dawng. CIC hi march 2009 hian private company kut ah hlan mai tawh tur a engkim peih fel a ni tawh a ni.

Tripura Bru Transit Camp Special Roll Revsion neih zawh a ni.

Pix. mart::: Bru Transit Camp, Tripura :: EPIC siam nghal zel a ni)

Dt.29.8.2008 khan Tripura Bru Transit Camp hrang hrang a Special E/Roll Rivision chu Mizoram Sorkar chuan a zuk nei fel ta a. Hetah hian Mamit District ; Lunglei leh Kolasib A tangin an kal hlawm a ni.

Mizoram a tang hian Kanhmun lam ah kalin Motor 11 in kal a ni a, Kanhmun ah ni 3 vel an inkulh hnu in, Kanchanpur ah inkulh leh a; kanchanpur a tang hian Naisingpara leh a chhehvel ah te hna va thawh thin a ni. Security lam pawh a tha thawkhat hle.

Mamit District chuan Bru raltlan a ngah ber a, E/roll ah mi 6541 neiin; Identified a EPIC pek nghal chu mi 5403 (82.60%) a ni. Hemi pah hian New Applicants; roll a la chuanglo, Mizorammi ni a inchhal si te chu survey neih nghal a ni bawk a, a lan dan chuan roll a thun thar tur kumtling tawh roll a la chuanglo; new applicants chu mi 5567 tun ah khuan an awm mek a ni. Rilru fim tak a thlir a that hmel hle mai.

Tripura Transit Camp- a Bru awm mek te tan special electoral roll revision leh roll a awm te EPIC siam sak dawn.

(Pix :mart :::::: Thaidor, Bru Village.)

Govt. of Mizoram, Directorate of Election ruahman angin Tripura-a Bru awmna Transit Camp hrang hrang; Naisingpara, Asapara,, Hamsapara, Khakchangpara, Kaskau leh Hazarchera-a Special Revision of Electoral roll leh Electoral Roll-a awmte thlalaksakna chu Dt.30.8.2008 khian neih a ni dawn a. He hna thawktu tur Nodal Oficer's Team hruai turin Pu Rotluanga, PD,DRDA leh Addl. DC Mamit chu ruat a ni.

Tripura Bru Transit Camp hrang hranga Electoral Roll hearing leh thlalak hna thawk tur hian Directorate of Election chuan Mamit, Kolasib leh Lawngtlai Dist. a Officer 9 te chu ERO leh AERO atan a ruat a. Photography Team Member tur pawh heng Dist. 3 atangin mi 12 ruat an ni bawk.

Heng team hnihte hian tunkar zirtawpni khian mamit atangin Tripura an pan dawn a. Ruahman lawk ang chuan Kanhmun leh Kanchanpur ah inkulhin, Dt.7.9.08 ah an hna hi thawkzo hman tura beisei an ni.

ERO/AERO leh Photography Team te hnathawh dan hi Election Commission Representative Member te'n a hmunah an thutchilh dawn a. Venhimna lam hna thawktu tur lo ruahman turin CEO Tripura chu ruat a ni tawh bawk. Photograhpy team te hian AERO te hi an tawiawm anga, Electoral Roll-a thun tharte hi thla an laksak anga, EPIC pek nghal zel an ni dawn bawk a ni.

Mamit khawpui ah Malaria tam.

Mamit khawpui leh a chhehvel khua ah tunlai hian Malaria a tam hle mai a, Mamit Hospital pawh a lun thin hle. Hospital ah hian khum 40 a awm laiin; tunlai hian damlo 80 te an awm thin a, nauneihna ward ah te pawh patling malaria a damlo te dah an ngai hial a ni. Tin, khum a indaihloh a vangin damdawiin corridoor ah te an mu deldul mai bawk a ni. Damdawi In hnathawk te an indaihlo in; an hah thin hle.

Mamit ah District Informatics Centre

Mamit District tan; DC Office ah District Informatics Centre chu a awm ve ta a. Hetah hian District Informatics Officer (DIO) Pu Rochungnunga chu dah a ni. DIO ho hian Mamit District chuan IT lamah hmasawn an tum hle a, Website pawh changtlung tak neih thuai an tum. Tunlai hian DIO Office tur Electrict wiring vel tih mek a ni a, Office hi luah thuai theih beisei niin; tunah hian office bungrua engkim a awmvek tawh mai bakah, DIO pawh DC Staff Quarter ah a khawsa mek a ni.

Mamit ah Excise Department awm thar.

District dang zawng ten Excise dept. an neih vek hnu ah Mamit khawpui pawh in Excise Department an nei ve ta ! Tunlai hian an in singsa vel mek a, Mamit khawpui tan tha taka ahna an thawk theih ngei kan beisei tlat a ni.

COMMUNITY INFORMATION CENTRE (CIC)

Dt.7.6.2008 khan Community Information Centre, Mizoram a thawkte, CIC Operators te chuan Aizawl ah inhmuhkhawmna nei in, Hruaitu thar thlanna an nei nghal a. Kum 2008 – 2009 hruaitu a tan heng mite hi thlanchhuah an ni.

President : Lalruata Hlondo - CIC, Mamit
Vice President : Lalhnuna Ralte - CIC, Reiek
Secretary : H.Lalramzawma - CIC, Khawzawl
Asst. Secy. : Lalnunpuia Colney - Aizawl
Treasurer : Lalrinawma - CIC, W.Phaileng
Fin. Secy. : K.Lalzawmsanga - CIC, Zawlnuam.

Community Information Centre (CIC) hi kum 2000 khan Pilot Project atan Site pahnih (2), Aibawk ah leh Thingsul ah hawn a ni a, hetah hian Operator 2 ve ve dah an ni. Tichuan, Kum 2002 khan main Project atan CIC 24 hawn belh leh a ni a. Mizoram hmun hrang hrang; DC Office ah te leh RD Block ah te Operator pahnih zel awm in a kal chho zel a ni. CIC ah hian Internet Facilities engkim a awm vek a, Direct in Satellite atangin Internet hi hmuh a ni a, a chak tha a, tin, thingtlang mipui tamtak hian tangkai takin an hmang tawh thin a, Khawpui mi ten Internet darkar khat a Rs. 80/- te a an hman thin lai khan Thingtlang kilkhawr ber ber ah te pawh CIC awm a zarah kum 2002 a tang kha chuan Darkar khat ah Rs.10/- lek chawiin an hmang thei daih tawh a , tun ah hian mahni a eizawn nana hmang pawh mi engemaw zat an awm tawh a ni.
Tin CIC ah hian Operator ten Rural area a mi harsa ve tak tak te sum tlem te sengin Computer course te an zirtir thin a, Chutiang chuan hma nasa tak in an lo la thin a ni.
CIC hi Central sponsored Scheme a ni a, Northeast pumpui ah leh Sikkim ah kha tih lai a IT Minister, Pramod Mahajan a hmalakna a din a ni a, State sorkar leh Central in inremna (MOU) an signed ah khan “Community Information Centre” hi kum 5 chhung Central sorkar in a enkawl a nga, kum 5 hnu ah chuan State sorkar in a takeup ang’ tih a ni a. State thenkhat; Tripura te chu tunah hian RD Department hnuai ah an regularized vek tawh, Arunachal te pawh lak mai tur a ngaih a ni in , Assam te leh State dang zawng zawng pawh in beiseina sang tak an nei mek a ni.
Chutih lai in Mizoram CIC erawh ngaih pawimawh a hlawh lo hle mai a, a tirah khan Industry Department hnuai ah Electronics & IT Wing ah khan a awm thin a, Industry atanga Information & Communication Technology (ICT) Cell, Planning Department hnuai a a lo awm khan ICT ah chuan CIC chu dah a ni a. Tunah hian hian CIC Project; kum 5 chu a lo liam ta a, State sorkar in Privatise tum in tunah hian Tender te a chhuah chuai chuai a, heng te a vang hian CIC Operator Inzawm khawm pawl, Mizoram CIC Operators Union chuan an mahni chanvo an chan ngei theih nan a tul ang a hma la nghal turin tunah hian Aizawl ah an awmkhawm mek a, an harsatna te sorkar ah thlen an tum a ni. Sorkar in a lo dawnsawn dan a zir in, a tul anga hmalak an tum a ni.

DC thupek.

Mizoram pawn atanga ran hrisella lakluh hian mihring hriselna a thithaloin; hri thalo a thehdarh thei tih hriat a ni a. mamit Bawrhsap Pu lalengmawia, MCS chuan 144 Cr.PC in thuneihna a pek angin thuchhuah hetiang hian a siam. Khawtlang a lo him theih nan Mizoram leh State pawn atnaga ran lakluh reng reng a hrisel tha ngei a ni tih Vety Department check tir hma chuan an talh tur a ni lo. Heng dan zawmlo te chu 188 Cr.PC hmang a hrem an ni ang. He thupek hi sut leh a nih hma chuan May 21.2008 atanga thla hnih chhung a huam ang.

Mamit ah Doctor indaihloh a na.

mamit Damdawiin ah tunlai hian Doctor pakhat. Dr.Zorengpuii chiah a awm avangin damlo enkawl kawng ah indaihlohna a nasa hle niin kan hria a.Zortawpni khan tunhnaia rawn dahthar Dr.Zosangpuii a rawn thlen belh a, tlemin an ziaawm hret a ni. Surgery Doctor rawn awm tura tih chu Civil Hospital, Aizawl in an rawn release thei rih lova, Anaesthetist Doctor rawn awm tura tih pawh phai lamah a in checup mek ni a hriat a ni bawk. Medicine Doctor hmeichhia kan neih pawh leave la in a pasal te awmna Nagaland lamah a awm daih ni a hriat a ni bawk a ni.

tuidam ah Horticulture Quarter kangral vek .

Inrinni, zan khan Tuidam-a Horticulture Quarter Assam Typa pakhat a kangral vek a, kangthelhtu mi tlawmngai zinga 22- te chu Gas Cylinder puak vangin an hliam. Hliam zinga na zual mi 5 te chu Inrinni vek khan Aizawl Civil Hospital thlenpui an ni. Hliam na zual Aizawl panpui te hi laltanpuia, kum 30 mi, a nau Benjamin kum 28, malsawma kum 32, Vanlalmawia kum 25 leh J.Lalengmawia kum 34 mi an ni a, In kang ah hian Gas Cylinder 3 a puak a, a puak hnuhnung ber chuan chirh hmanga kang thlehtu, mi 24 te chu a tuama, an zinga 5 te chu na taka an kan a vangin Kawrthah Doctor chuan Aizawl ah a thawn a ni.

Kangmei chhuah na chhan hi hriatchian ni lo mahse, he Quarter luahtute awmpui tlangval chuan an choka lam atanga chhuak niin a ring a. Engvanga chhuak nge a nih tih erawh chu sawichiang theili a ni. An Quarter kan lai hian he In luahtu chhungkuate hi dam lohna thilah damdawiin ah an awm a ni.

Zarkawt Presbyterian Kohhran in mamit District tanpui dawn.

Zarkawt Presbyterian Kohhran chuan Mamit District tam zia hria in; Dt.1.5.2008 dar 11:00am hian a mamawh apiangte tanpuina turin Rs.1,20,000/- chu District Buhzem ah an rawn chhung dawn a, he hun hi DC Bungalow an neih a ni dawn a ni.

Khawthlang Lelte ah Rulpuihlim Nula, Rebecca Zothanpari.

Mizo Zaimi Insuihkhawm Pawl (MZI) Headquarters Mamit in a an huaihawt ' Khawthlang Lelte' 2008 chu tluang taka zawhfel a ni ta. Dt.26.4.2008 zan a mamit Chhimveng hall a Result puanna neih ah hian AIR Aizawl Station Director, Pu Lalthansanga Varte chu khuallian a ni a, MZI Gen. Hqrs. hruaitu engemaw zat in he hun hi an rawn hmanpui bawk a ni.

Khawthlang Lelte, 2008 a tan chuan Rulpuihlim Nula; Rebecca Zothanpari chu thlan a ni a, a ni hi AIR Aizawl Station chuan an Artist a tan an la nghal bawk a, tin Pawisa fai Rs.10,000/- + Trophy + Certificate + Scooty a dawng a ni.

Top 5 a tling te chu Lelte Editor Pu C.Dinthanga chuan Lelte chanchinbu kumin chhung a tan a free dawn bawk a ni.

Mamit District ah Aieng lei mek zel a ni.

Kan hriat theuh ang in; Mizoram Sorkar chuan Mautam Tam do nan Aieng chi an sem vak a nih kha. Tunlai hian Mamit District chhung khaw hrang hrang ah Aieng hi Sorkar in a lei mek a, Kg ah Rs.6.00 in an leisak mek a ni.

Pix. mart ( Lengte & Lengpui Aieng chu)
Khaw hrang hrang ah lei theih zat tur bithlih a ni a; a maherawh chu Aieng hi a ching an tam a vangin, lei tur zat pawh hi tihdanglam a ni a, a awm ang ang lei tura hmalak a ni.

He Aieng Sorkar in a lei dan tur ah hian information an hriat a tanga ni 2 ni ah emaw te a buk tur an kal a, ni hnih chhung ten lei na hun an siam sak a, heihi a chingtu lam tan a buaithlak hle ni a hriat a ni. Achhan chu tuman an la dawn tih an hriatchian loh chuan Aieng hi an cho ngam lo a, an hriat hian chawhzawh na hman a ni bawk si lova, an buai hle ni in thu kan dawng.

'AWK E' la hmu ve lo tan...

Ka Quarter ah 'AWK E' a rawn lut hlauh mai a, hei la hmu ngailo tamtak in awm ka ring a chuvang in ka rawn dah a ni e. AWK E' hi Laiking ai chuan a lian zawk fe a; a hming ang hian 'awk e' tiin ring takin a hram thin a ni. Hei poh hi ka umchhuak na chu; zan ah chuan ring fe in a rawn hram leh ta tho va!! ka harh chiang hle.

Mamit District Buhzem ah chhunglut zel.

Rawpuichhip VCP te chhung chuan Mamit DC Pu Lalengmawia hnen ah District tam Tanpuina a tan Rs.1000/- a hlan.

Rawpuichhip YMA Diamond Jubilli a hmanpui na ah DC chuan Mamit District chhung khaw kilkhawr ber ber te a fanchhuah vek tawh thu leh, Mihring dinhmun in thlauhzia te; a biktakin, kan Bru Unau te leh Chakma te harsat zia sawi langin, tumah 'intam siak' lo turin a chah a, Mizo te chu intanpui tel tel thin kan nih ang in, tanpui ngai leh chhuanchham em em an awm ve loh thu a sawi a. He mautam Tram chhung hian Mamit District chhung ah tumah Riltam a vangin an thi tur a ni lo' tih sawi nawn leh in, Theih tawp chhuah a he Tam hi do tlang turin mipui te a chah bawk a ni.

Ngaithla tu te zing a tangin Pa pakhat chuan a rilru a hneh em a vangin District Buhzem ah Rs. 1000/- a chhunglut ve nghal bawk a ni.

Kan thu dawnna in a sawi danin, Dt.18.4.2008 khan Seventh day Adventist Church Mizoram Hqtrs. chuan Mamit DC Rawn hmu in; District Buhzem ah Buhfai 50 qtls. rawn chhun ve an tum bawk nia hriat a ni bawk.

Pix. mart.

MEETING HELD IN CONNECTION WITH REPRESENTATION OF EX-BNLF HELD IN THE OFFICE CHAMBER OF D.C., MAMIT ON 18.4.2008 AT 11:00 A.M.

He meeting hi Pu Lalengmawia, MCS, Deputy Commissioner, Mamit in Meeting a kaihruai a, Ex-BNLF Resettlement Committee ten an lehkha thehluh chungchang sawiho nghal a ni. A hnuaia thu te hi rel a ni:-
1. Village area leh eizawnna tur ram: Damdiai BNLF Re-settlement hi khawngheta identity tur a nih chuan Village Area hi siamfel a ngai. Tin, helai ramah hian N.Sabual V.C. ten awmze nei miah lovin mimal ram an lo pe vek niin a lang a, mimal ram an pekte hian an enkawl zui chuang lo. Hei hi uluk taka enfiah a, Cancel tura hmalak tura tih a ni a, eizawnna ram (Jhum land) atana hman turin Revenue Department in hma lo la nghal tura ruat a ni.
Action: ASO-II

2. Village Boundary: A chunga mi anga khawnghet siam a nih dawn chuan Village Boundary nghet siam a tul. LAD lamin bawhzui se.
Action : DLAO

3. Solar Lamp/Electrification: Damdiai leh New Eden te hi power line thlun zawm loh an la nih avangin an dilna hi a awm hle a, ZEDA in Project/Scheme siamsak se la, chu chu Home Department ah thehluh ni se.
Tin, Damparengpui (Zodin) tan Power Line awmsa atangin kan zawm emaw leh siam belh a electrified theih a ni a, P&E Department in hma lo la se.
Action : DC/ZEDA/EE, P&E

4. Damdiai khaw panna kawng: DRDA atangin sum engemawzat SGRY/BAFFACOS atangin an dawng tawh a, Home Department atangin Rs. 50,000/- an dawng tawh bawk. Tun thlengin motor a la lut thei lova, PD, DRDA hnen atangin NREGS atangin chhunzawm a nih tur thu leh Engineer te nen kawng zawng tha a, Peg System a thawh a nih tur thu ngaithlak a ni..
Tin, Damparengpui – Zodin internal road pawh hi NREGS a thawh theih turin V.C ten hma lola bawk se.
Action : PD, DRDA/BDO, W.Phaileng/VCP, Damparengpui

5. Retailer/Ration Card: Damdiai khawtlangin retailer chungchanga harsatna an neih hi tun ami thawklai term a tawp hnai dawn tawh tih sawilan a ni a, a tharah an khawchhung mi thawk thei tur an awm a nih chuan thawk se tih an rawtna hi Department in pawmpui se.
Damdiai bakah Mamit District chhungah Ration Card neilo tam tak an awm hi a sutkianna awm chhun nia lang chu ‘Intensive Revision of Ration Card’ neih a niin hriat a ni a. Hei hi D.C in C.S hova meeting neih turah pawh lo rawt tawh leh Commissioner/Secretary, FCS&CA in a ‘note’ tawh nia hriat angin Mamit District tan Special case in Sorkarin pawmsak se an ti a..
Action: DC/DCSO

6. Water Supply : Damdiai khaw tuilakna tur (gravity water supply) hi PHED in hma an la tan mek niin hriat a ni a, chakzawka bawhzui turin department hi ngen ni se.
New Eden ah hian gravity a tuilak tur hnai a awm loh thu leh tuna tuikhur an tlan lai mek hi a thattawk loh thu an sawi a. Hei hi PHED in lo enfiah se.
Tin, Damparengpui (Zodin) tuilakna hi a intake a tha tawk lo va, tui an hmuh theih loh thu an sawi. Heihi a tira an duhdan angin metre 500 vela sang zawk atanga tuilak chuan khawpum a chawm thei dawnin an sawi. Tin, Pipe chhe thlakna hi a hma ami aiin a te zawk bawk niin an sawi. PHED in lo enfel hna lo thawk se..
Action : E.E., PHE

7. BPL/AAY a khawchhung mi zawng zawng telh: Hei hi khawtin tan Sorkar approval fel tak awmsa a nih avangin 100% cover hi chu theih a ni lo tih DCSO atanga hrilhfiah a ni.

8. Development Fund: Village Council dangte ang bawk a Development Scheme hrang hranga telve an dilna hi Village Council/Committee fel tak siam phawt a hmalak chi a ni tih hrilhfiah a ni.

9. Resettlement Village te awmna Village Council: Damdiai in Mamit Hmarveng V.C. te enkawlna hnuaia awm an dilna hi awm kan titlang a, chutiang bawkin Tumpanglui hi Tuidam V.C hnuaiah awm chhunzawm se, New Eden pawh siamfel sak ni se..
Action: DLAO

10. Self Employment Scheme: Employment Generation Scheme siam sak an dilna hi Damdiai/New Eden/Tuipuibari/Damparengpui te tan Agri/Vety/Horti/Forest Department ten lo en ni se.
Action: DAO/DVO/DHO/DFO/PD, Dampa Tiger Project
11. Electoral Roll: Electoral Roll ah hian dan ang taka inthun hi tih mek a ni a. Form 6 hmangin claim siam a, document nen hearing a inlan loh vangin New Eden bikah harsatna a awm. DO/BLO leh khawtlang hruaituten lo bawhzui se.
Action DO/BLO/VC

12. Primary School/Zirtirtu: New Eden leh Damdiai ah hian SSA hnuaiah Primary School Zirtirtu te hi khawdang atanga lak an ni a, an khawchhung mi qualified te ngei dah theih nise tiin an dil. Hei bakah hian Damparengpui/Damdiai/New Eden leh hmun dangah pawh Zirtirtu 2 (Pahnih) chauh an awm a, an indaih lo em em. Education lam hotuten kawng lo dap se.
Action : SDEO/DPC,SSA

13. Community Hall : Community Hall sak an mamawh hi BDO concerned in BADP atangin lo bawhzui turin khawtlang hian thlen ni se.
Action: BDO

14. Waiting Shed/Public Urinal: Bairabi road Damdiai penga Waiting Shed leh Urinal sak hi an sawi angin a tul hle. Amaherawhchu hetiang Scheme remchang a awm mai loh avangin thuneitu sang zawk ah khawtlangin thlen se.
Action: VCP/Chairman

15. Silpauline: Silpauline inchung atan an mamawh tih hi hmun hrang hrangah hmuhpui a ni a, tunah hian Sorkarah dil mek a ni a, a hlawhtlin chuan ngaihtuahsak theih a ni ang.
Action : DC

16. Tam chhawmdawlna: Tunah hian theih ang anga kalpui mek a ni a, harsatna bik an neih chuan Zonal Officer-ah thlen se, Zonal Officer in ruahmanna lo siam sak se.
Action : Zonal Officer concerned

17. Mamit District Headquarters ah hian thingtlang zawka khawtlang hruaitute leh mipuite tan Office dawra thlenna tha a awm lo hle a. BADP emaw Scheme dang atangin D.C. Rest House sak that a, khum pawh tam zawk dah theih ni se he harsatna hi a ziaawm sawt dawnin a lang a. Sorkar ah thlen ni se, hei hi DC kut ah dah a ni bawk a ni

HSSLC Top 10 ah mamit naupang lang.

HSSLC Result chhuak ta ah khan Mamit naupang Lalbiaktluanga s/o Lalramhluna (L) Mamit Hmunsam veng chu Mizoram pum ah 10 na a ni. A mah hi St. John HSS Kolasib a kal a ni.

Hetih laiin Govt. Higher Secondary School, Mamit pawh in result thatak an nei bawk a; 99% in an pass bawk a ni.

A.P.O thar in hna zawm ta.

DRDA Office Mamit ah chuan Assistant Project Officer pakhat dah belh a ni a, he hna thawktur hian pu PC Lalbiaktluanga chuan nimin dt.15.4.2008 khan a hna a zawm felta. Pu BT-a hi Mamit khawchhuak niin; Pu Sangkunga tupa a ni.

Kumin ah Khawthlang hmun thenkhat ah Maurah leh !!

Kumin hian Mamit District chhung, hmun thenkhat; Damparengpui , Tuipuibari velah chuan Mau a rah thar leh nual mai a, hei vang hian mamit District hmun thenkhat ah chuan Mautam kan la tuar dawn ni in a lang.

Pix: Mart: mamit districta 2008 a maurah thar chu !